tag:blogger.com,1999:blog-345518262024-03-09T01:57:31.035+11:00AKSJust reflection of life....AKShttp://www.blogger.com/profile/07293599323313527190noreply@blogger.comBlogger4125tag:blogger.com,1999:blog-34551826.post-76527890797987904262014-07-27T23:54:00.001+10:002014-07-27T23:54:43.512+10:00<p dir="ltr">श्रावण मासी हर्ष मानसी हिरवळ दाटे चोहिकडे,<br>
क्षंणात येते सर सर शिरवे क्षंणात फिरुनि ऊन पडे<br>
वरति बघता इंद धनुचा गोफ दुहेरि विणलासे<br>
मंगल तोरण काय बांधले नभोमंडपी कुणी भासे<br>
झालासा सुर्यास्त वाटतो,सांज अहाहा तो उघडे<br>
तरु शिखरावर उंच घरावर पिवळे पिवळे ऊन पडे<br>
उठती वरती जलदांवरती अनंत संध्याराग पहा<br>
सर्व नभावर होय रोखिले सुंदरतेचे रुप महा<br>
बलाकमाला उडता भासे कल्पसुमांची माळिच ते<br>
उतरुनि येती अवनीवरती ग्रहगोलचि की एकमते<br>
फडफड करुनि भिजले अपुले पखं पाखरे सावरती<br>
सुंदर हरिणी हिरव्या कुरणी निजबाळांसह बागडती<br>
खिल्लारे ही चरती रानी गोपही गाणी गात फिरे<br>
मंजूळ पावा गाई तयांचा श्रावण महिमा एकसुरे<br>
सुवर्ण चंपक फुलला विपिनी रम्य केवडा दरवळला<br>
पारिजातही बघता भामा रोष मनीचा मावळला<br>
सुंदर परडी घेऊनि हाती पुरोपकंठी शु्द्धमती<br>
सुंदर बाला या फुलमाला रम्य फुले पत्री खुडती<br>
देव दर्शना निघती ललना हर्ष मावे ना हदयात<br>
वदनी त्यांच्या वाचून घ्यावे श्रावण महिन्याचे गीत.....</p>
<p dir="ltr">बालकवी</p>
AKShttp://www.blogger.com/profile/07293599323313527190noreply@blogger.com0tag:blogger.com,1999:blog-34551826.post-1158478687985480262006-09-17T17:33:00.000+10:002006-09-17T17:38:07.986+10:00“प्रेम कर भिल्लासारखं “<br />पुरे झाले चंद्र-सुर्य , पुरे झाल्या तारा<br />पुरे झाले नदी नाले, पुरे झाला वारा<br />मोरासारखा छातीकाढून उभा राहा<br />जाळासारखा नजरेत नजर बांधून पाहा<br />सांग तिला . . .तुझ्या मिठीत स्वर्ग आहे सारा<br />शेवाळलेले शब्द आणिक यमक-छंद करतील काय?<br />डांबरी सडकेवर श्रावण इन्द्रधनु बांधील काय?<br />उन्हाळ्यात्ल्या ढगासारखा हवेत बसशील फिरत<br />जास्तीत-जास्त १२ महिने बाई बसेल झुरत<br />नंतर तुला लगीन चिठ्ठी आल्याशिवाय राहिल काय?<br />म्हणून म्हणतो जागा हो जाण्यापूर्वी वेळ<br />प्रेम नाही अक्षरांच्या भातुकलीचा खेळ<br />प्रेम म्हणजे वणवा होउन जाळत जाणं<br />प्रेम म्हणजे जंगल होऊन जळत राहाणं<br />प्रेम कर भिल्लासारखं<br />बाणावरती खोचलेलं<br />मातीमध्ये उगवून सुध्धा मेघापर्यंत पोहोचलेलं<br />शब्दांच्या या धुक्यामधे अडकुनकोस<br />बुरूजावरती झेंड्यासारखा फडकू नकोस<br />उधळून दे तुफ़ान सारं मनामधे साचलेलं<br />प्रेम कर भिल्लासा्रखं बाणावरती खोचलेलं...<br /> -कुसुमाग्रजAKShttp://www.blogger.com/profile/07293599323313527190noreply@blogger.com0tag:blogger.com,1999:blog-34551826.post-1158477945307870072006-09-17T17:20:00.000+10:002006-09-17T17:25:45.306+10:00सांगा कस जगायचं?कण्ह्त कण्ह्त की गाणं म्हणत<br />तुम्हीचं ठरवा!<br />डोळे भरुन तुमची आठवणकोणीतरी काढतंच ना?<br />ऊन ऊन दोन घासतुम्च्यासाठी वाढतंच ना?<br />शाप देत बसायचं की दुवा देत हसायचं<br />तुम्हीचं ठरवा!<br />कळ्याकुट्ट कळोखातजेव्हा काही दिसत नसतं<br />तुमच्या साठी कोणीतरीदीवा घेऊन उभं असतं<br />कळोखात कुढायचं की प्रकाशात उडायचं<br />तुम्हीचं ठरवा!<br />पायात काटे रुतुन बसतातहे अगदी खरं असतं;<br />आणि फ़ुलं फ़ुलुन येतातहे काय खरं नसतं?<br />काट्यांसारखं सलायचं की फ़ुलांसारखं फ़ुलायचं<br />तुम्हीचं ठरवा!<br />पेला अर्धा सरला आहेअसं सुद्धा म्हणता येतं<br />पेला अर्धा भरला आहेअसं सुद्धा म्हणता येतं<br />सरला आहे म्हणायचं की भरला आहे म्हणायचं<br />तुम्हीचं ठरवा!<br />सांगा कस जगायचं?कण्ह्त कण्ह्त की गाणं म्हणत<br />तुम्हीचं ठरवा!AKShttp://www.blogger.com/profile/07293599323313527190noreply@blogger.com0tag:blogger.com,1999:blog-34551826.post-1158477061079951052006-09-17T17:06:00.000+10:002007-02-20T16:41:17.865+11:00माझ्या आवडत्या कविता<strong><span style="color:#000000;">देखणे ते चेहरे, जे प्रांजळाचे आरसे<br />गोरटे की सावळे, या मोल नाही फारसे<br />तेच डोळे देखणे, जे कोंडिती साऱ्या नभा<br />वोळिती दुःखे जनांच्या, सांडिती नेत्रप्रभा<br />देखणे ते ओठ कि जे, ओतिती मुक्तफळे<br />आणि ज्यांच्या लाघवाने, सत्य होते कोवळे<br />देखणे ते हात ज्यांना, निर्मितीचे डोहळे<br />मंगलाने गंधलेले, सुंदराचे सोहळे<br />देखणी ती पाउले, जी ध्यासपंथे चालती<br />वाळवंटातूनसुध्दा, स्वस्तिपद्मे रेखिती<br />देखणे ते स्कंध जां ये, सूळ नेता स्वेच्छया<br />लाभ्ला आदेश प्राणां निश्चये पाळावया<br />देखणी ती जीवने, जी तृप्तिची तीर्थोदके<br />चांदणे ज्यातून वाहे, शुभ्र पाऱ्यासारखे<br />देखणा देहान्त तो, जो सगरी सूर्यास्तसा<br />अग्निचा पेरुन जातो रात्रगर्भी वारसा</span></strong>AKShttp://www.blogger.com/profile/07293599323313527190noreply@blogger.com0